GWASANAETHAU A GYNIGIR
CWNSELA DYNGAROL, TECHNEGAU RHYDDID EMOSIYNOL / ‘EMOTIONAL FREEDOM TECHNIQUES’ (EFT), SIARAD A CHERDDED, MEDDYGINIAETHAU BLODAU
Trwy gwnsela dyngarol, rwy’n anelu i wrando’n astud, bod yn empathïg, a’ch cefnogi heb farnu. Gyda’n gilydd, byddwn yn archwilio eich teimladau, eich meddyliau, a’ch profiadau, gan feithrin hunan-ymwybyddiaeth a ffyniant personol. Mae’r cysylltiad therapiwtig hwn yn eich galluogi i ennill mewnwelediadau dwfn i’ch heriau, gan eich caniatáu i brosesu eich emosiynau, a datblygu strategaethau ar gyfer newid parhaol. Drwy greu gofod diogel a thosturiol, rwy’n gweithio gyda chi fel unigolyn unigryw, gan gydnabod eich bod chi’n dal yr allwedd i’ch hunaniaeth. Chi yw’r arbenigwr arnoch chi!
Mae Techneg Rhyddhau Emosiwn, neu EFT, yn driniaeth seicolegol sy’n seiliedig ar dystiolaeth, ac sy’n cyfuno therapi siarad draddodiadol gyda tapio yn ysgafn gyda’r bysedd ar bwyntiau aciwbwysedd. Mae’r dirgryniant yn helpu i ryddhau’r atgofion negyddol o’r celloedd. Mae’n cael ei ddefnyddio i helpu pobl leihau neu ddileu emosiynau negyddol, poen corfforol, a symptomau eraill sy’n gysylltiedig â straen, trawma, a phroblemau seicolegol eraill. Gall EFT helpu pobl i sylwi ac ymdrin â’r holl achosion sylfaenol o’u cyflwr emosiynol a chorfforol, ac i ddatblygu strategaethau ymdopi iachach. Gall hefyd helpu i leihau straen a phryder, gwella hunan-barch, ac ychwanegu gwydnwch emosiynol.
“Mae EFT yn broses syml, pwerus all ddylanwadu’n ddwfn ar weithgarwch genynnol, iechyd ac ymddygiad.” (Bruce Lipton PhD, awdur ‘The Biology of Belief’)
Cewch fwy o wybodaeth, gan gynnwys straeon o Wellad ac ymchwil gwyddonol ar wefan EFT. Am wybodaeth pellach ewch i’r adran flogiau ar wefan EFT (eftuniverse.com).
Siarad a Cherdded
Os dymunwch, gallwn gynnal y sesiwn wrth fynd allan am dro yn hytrach nac eistedd tu mewn. Mae rhai pobol yn teimlo yn fwy cyfforddus yn cerdded ochr wrth ochr ȃ’i gilydd ac yn ei gweld hi’n haws siarad yn agored fel hyn.
Mewn ffordd, mae ar lefel fwy cyfartal hefyd – dim ond cerdded gyda’n gilydd. Mae symud yn helpu ni ymlacio, ac efallai gweld pethau o safbwynt gwahanol, a dod o hyd i ffyrdd i ymdopi ag unrhyw beth sy’n eich poeni. Mae bod yn natur yn ffordd dda o’n gwreiddio ni, cael ychydig o awyr iach ac ymarfer corff, ac yn gyffredinol yn gwneud i ni deimlo’n well.
MEDDYGINIAETHAU BLODAU
Mae trwythau blodau yn fath o therapi cyfannol sy’n defnyddio ynni dirgrynol planhigion. Credir eu bod yn helpu i adfer cydbwysedd emosiynol, lleihau straen, a hyrwyddo teimladau o heddwch a llesiant. Gellir defnyddio trwythau blodau i fynd i’r afael ag amrywiaeth eang o faterion emosiynol, yn cynnwys pryder, iselder, ofn, dicter, a gofid. Gallant hefyd gael eu defnyddio i hybu hunan-barch, hyder, a chymhelliant.
Cynigir pecyn o gardiau i’r cleient, ac arnyn nhw mae lluniau o flodau a phlanhigion – 72 i gyd, sef yr ‘Australian Bush Flower Insight Cards’, ac mae greddf neu is-ymwybod y cleient yn eu galluog i ddewis yr union blanhigyn neu flodyn sy’n cyfateb i’r hyn sy’n eu poeni. Yna gallaf gynnig trwyth wedi’i wneud o’r blodau arbennig hynny ar eu cyfer. Mae potel o’r trwyth yn £10 ac yn para am fis.
“Gobeithio y bydd fy lluniau yn eich helpu i ddeall yn ddyfnach yr arwyddion y mae natur wedi eu rhoi o ran nodweddion iechyd pob blodyn trwy ei siâp a’i liw – yr hyn a elwir yn “Doctrine of Signatures.” Ian White, ABFE.
Os hoffech wybod mwy am y therapi yma yna dilynwch y linc isod.
Welcome to Australian Bush Flower Essences – ABFE! (ausflowers.co.uk)
Dog Rose of the Wild Forces (Baiuera sessililflora). Mae rhinweddau iachau’r trwyth yma’n cynnwys: cydbwysedd emosiynol; a thawelwch a chanolbwynt ar adegau o gythrwfl mewnol ac allanol.
Llun a dyfyniad gan Australian Bush Flower Essences.